ព័ត៌មានសហគមន៍

Wednesday, June 12, 2013

បណ្តាញសហគមន៏ អំពាវនាវឲ្យរដ្ឋាភិបាលដោះលែងសកម្មជនសិទ្ធិមនុស្ស ដីធ្លី និងធនធានធម្មជាតិ

ដោយ ដួង សុខា ថ្ងៃពុធ ទី12 មិថុនា ឆ្នាំ2013 ម៉ោង08:20

បណ្តាញកសាងសន្តិភាពសហគមន៍ ប្រមាណជា 8០០នាក់ មកពី ២៤ រាជធានី-ខេត្ត-ក្រុង នៅព្រឹកថ្ងៃពុធនេះ បានប្រមូលផ្តុំគ្នា នៅមុខក្រសួងយុត្តិធម៌ ដាក់ញត្តិជូនក្រសួងយុត្តិធម៌ រដ្ឋសភា និងឧត្តមក្រុមប្រឹក្សានៃអង្គចៅក្រម ទាមទារឲ្យដោះលែងសកម្មជនសិទ្ធិមនុស្ស ដីធ្លី និងធនធានធម្មជាតិ។

លោក កែវ រតនៈ អ្នកយកព័ត៌មានរបស់សំឡេងប្រជាធិបតេយ្យ ដែលបានតាមដានព័ត៌មាននេះ បានឲ្យដឹងថា ប្រជាសហគមន៍ដែលបានមកដាក់ញត្តិនេះ បានចងក្រណាត់ក្រហមនៅលើក្បាល កាន់បដា និងមានកាន់រូបថតសកម្មជនដីធ្លីតំបន់បឹងកក់អ្នកស្រី យ៉ោម បុប្ផា ផងដែរ។ លោក កែវ រតនៈ បន្តថា គោលបំណងនៃការដាក់ញត្តិ គឺស្នើសុំឲ្យក្រសួងយុត្តិធម៌ រដ្ឋសភា និងឧត្តមក្រុមប្រឹក្សានៃអង្គចៅក្រម អន្តរាគមន៍ឲ្យមានការដោះលែង បញ្ឈប់ការចោទប្រកាន់ និងបញ្ឈប់ការតាមចាប់ខ្លួនសហគមន៍ដីធ្លី ធនធានធម្មជាតិ លំនៅឋាន និងអ្នកការពារសិទ្ធិមនុស្ស ឲ្យមានសេរីភាពឡើងវិញ។

បណ្តាញកសាងសន្តិភាពសហគមន៍ ក៏ស្នើឲ្យស្ថាប័នទាំងនេះ ចាត់វិធានការណ៍តាមច្បាប់ចំពោះមន្ត្រីតុលាការ ដែលបានប្រព្រឹត្តអំពើពុករលួយ និងប្រព្រឹត្តផ្ទុយពីវិជ្ជាជីវៈរបស់ខ្លួន។

បើតាមសេចក្តីប្រកាសព័ត៌មានរបស់បណ្តាញកសាងសន្តិភាពសហគមន៍ កាលពីថ្ងៃម្សិលមិញ បានឲ្យដឹងថា រយៈពេល ៥ឆ្នាំចុងក្រោយនេះ អ្នកការពារសិទ្ធិមនុស្ស ដីធ្លី ធនធានធម្មជាតិ និងលំនៅឋានជាច្រើន បានទទួលនូវការគំរាមកំហែងពីប្រព័ន្ធតុលាការ តាមរយៈការចាប់ខ្លួន ការចោទប្រកាន់ដោយបំភ្លៃរឿងក្តីទៅជាបទល្មើសផ្សេងៗ ដូចជា បទល្មើសព្រហ្មទណ្ឌ ញុះញង់ ឆបោក និងការរំលោភកម្មសិទ្ធិឯកជន ជាដើម។

បណ្តាញកសាងសន្តិភាពសហគមន៍ យល់ថា ការចោទប្រកាន់ទាំងនេះ ខុសពីការពិត ហើយលើសពីនេះទៀត សកម្មជនការពារធនធានធម្មជាតិ និងសិទ្ធិមនុស្សមួយចំនួនត្រូវបានគេធ្វើឃាដ ដោយមិនបានធ្វើការដោះស្រាយរកយុត្តិធម៌ជូនពួកគេឡើយ។ ការចាប់ខ្លួន ចោទប្រកាន់ទៅលើអ្នកការពារសិទ្ធិមនុស្ស ដីធ្លី ធនធានធម្មជាតិ លំនៅដ្ឋាន នៅតែកើតមានជាបន្តបន្ទាប់រហូតមកដល់ពេលនេះ មានចំនួនជាង ៤០០នាក់ ហើយអាចនៅមានមួយចំនួនផ្សេងទៀត៕

http://www.vodhotnews.com/km/news/3007-community-network-call-for-release-activist

Monday, June 10, 2013

សហគមន៍បឹងកក់ដាក់ញត្តិសកម្មជនសិទ្ធិមនុស្សមកពី៤០ប្រទេស ដើម្បីរកអន្តរាគមន៍ដោះលែងអ្នកស្រី យ៉ោម បុប្ផា

តំណាងសហគមន៍បឹងកក់ ជិត២០នាក់ នៅព្រឹកថ្ងៃចន្ទនេះ យកញត្តិរបស់សកម្មជនសិទ្ធិមនុស្សចំនួន៤០ប្រទេស ដែលជំរុញរដ្ឋាភិបាលកម្ពុជា ឲ្យដោះលែងអ្នកស្រី យ៉ោម បុប្ផា ទៅដាក់នៅស្ថាប័នពាក់ព័ន្ធចំនួន៤។

ញត្តិនេះ នឹងត្រូវដាក់ទៅទីស្តីការគណៈរដ្ឋមន្ត្រី ក្រសួងយុត្តិធម៌ សាលាឧទ្ធរណ៍ និងរដ្ឋសភា ដើម្បីឲ្យស្ថាប័នពាក់ព័ន្ធទាំងនេះអន្តរាគមន៍ ដោះលែងតំណាងសហគមន៍របស់ពួកគេ អ្នកស្រី យ៉ោម បុប្ផា។ ញត្តិដែលចុះហត្ថលេខាដោយសកម្មជនការពារសិទ្ធិមនុស្សជាង១០០នាក់ មកពី៤០ប្រទេស ឲ្យដឹងថា ការចាប់ខ្លួនស្ត្រីសកម្មជនដីធ្លីរូបនេះ បង្ហាញថា រដ្ឋាភិបាលកំពុងបំបាក់ស្មារតីប្រជាសហគមន៍មិនឲ្យធ្វើសកម្មភាពក្នុងការតវ៉ារឿងដីធ្លីរបស់ខ្លួន។ ញត្តិរបស់សកម្មជនសិទ្ធិមនុស្សទាំងនោះ ទាមទារឲ្យរដ្ឋាភិបាលកម្ពុជាដោះលែងអ្នកស្រី យ៉ោម បុប្ផា ជាបន្ទាន់ និងដោយឥតលក្ខខណ្ឌ។

នៅម៉ោងជិត១០ព្រឹកនេះ ពួកគាត់បានយកញត្តិទៅដាក់នៅទីស្តីការគណៈរដ្ឋមន្ត្រី។ តែមុនពេលចូលដាក់ មន្ត្រីទីស្តីការគណៈរដ្ឋមន្ត្រីមិនព្រមឲ្យពួកគាត់ចូលទៅខាងក្នុងទេ។

តំណាងសហគមន៍បឹងកក់ អ្នកស្រី គង់ ចន្ថា ប្រាប់អ្នកយកព័ត៌មាននៅខាងមុខទីស្តីការគណៈរដ្ឋមន្ត្រីថា នៅថ្ងៃនេះ អ្វីដែលសំខាន់គឺពួកគាត់ចង់ឲ្យស្ថាប័នទាំងនោះដឹងថា សូម្បីតែអន្តរជាតិក៏គាំទ្រឲ្យមានការដោះលែងអ្នកស្រី យ៉ោម បុប្ផា ដែរដោយសារគាត់មិនមានទោសដូចការចោទប្រកាន់នោះទេ ៖ “ខ្ញុំមកពឹងនេះ ខ្ញុំមិនមែនឲ្យគាត់នេះ ដោះលែងអ្នកស្រី យោម បុប្ផាទេ តែគាត់ស្ថាប័នរដ្ឋទាំងមូលមួយនេះ តើគាត់ទទួលដឹងលឺដោយប្រជាពលរដ្ឋ ឲ្យប្រជាពលរដ្ឋពឹងផ្អែកមកពួកគាត់ គាត់ក៏សហការគ្នា និងចាប់ដៃគ្នាដើម្បីសំនូមពរទៅតុលាការ ដើម្បីឲ្យដោះលែង ដើម្បីឲ្យយកប្រព័ន្ធតុលាការមកគាប់សង្កត់ ប្រជាពលរដ្ឋ ប្រសិនស្ថាប័នគាត់មិនទទួលដឹងលឺ អ៊ីចឹងបណ្តោយឲ្យតុលាការ បានដៃតុលាការ ទៅចាប់ប្រជាពលរដ្ឋដែលគ្មានកំហុស យកទៅដាក់ពន្ធនាគារ មិនចេះចប់ មិនចេះហើយចឹង”។

ស្តាប់សំឡេង៖

អគ្គនាយករងផ្នែករដ្ឋបាលនៃក្រសួងយុត្តិធម៌ លោក សំ ប្រជាមានិត មានប្រសាសន៍ថា លោកមិនទាន់ទទួលញត្តិនៅឡើយទេ តែក្រសួងនិងពិចារណាបន្ទាប់ពីទទួលបានញត្តិនេះ។

ការដាក់ញត្តិស្វែងរកអន្តរាគមន៍ជាថ្មីទៀតនេះ ធ្វើឡើងបន្ទាប់ពីសាលាឧទ្ធរណ៍ កាលពីថ្ងៃទី៥ ខែមិថុនានេះ បើកសវនាការលើបណ្តឹងទាស់របស់អ្នកស្រីយ៉ោម បុប្ផា និងស្វាមី។ សាលាឧទ្ធរណ៍ នឹងបន្តសវនាការ នៅថ្ងៃទី១៤ ខែមិថុនានេះ។

កាលពីថ្ងៃទី២៨ ខែធ្នូ ឆ្នាំ២០១២ សកម្មជនដីធ្លី អ្នកស្រីយ៉ោម បុប្ផា ត្រូវបានសាលាដំបូងរាជធានីភ្នំពេញ ផ្តន្ទាទោសដាក់ពន្ធនាគារ៣ឆ្នាំ និងពិន័យជាប្រាក់៦០លានរៀល ពីបទប្រើហិង្សាដោយចេតនាវាយបុរសអ្នករត់ម៉ូតូឌុបពីរនាក់ឲ្យរបួស ៕

កសិករ ដាក់ញត្តិទៅសភា ឲ្យជួយអន្តរាគមន៍ទម្លាក់ចោលចំណុចមួយចំនួនក្នុងច្បាប់ស្តីពីការគ្រប់គ្រង និងប្រើប្រាស់ដីកសិកម្ម

ពលរដ្ឋ និងសកម្មជនប្រមាណជា៦០០នាក់ មកពីសហគមន៍ផ្សេងៗគ្នាទូទាំងប្រទេស នៅព្រឹកថ្ងៃសុក្រទី ០៧ ខែមិថុនា ឆ្នាំ២០១៣ នេះ ជួបជុំគ្នានៅខាងមុខរដ្ឋសភា ដើម្បីដាក់ញត្តិជំរុញឲ្យស្ថាប័នមួយនេះជួយអន្តរាគមន៍ទៅក្រសួងកសិកម្ម ទម្លាក់ចោលចំណុចមួយចំនួន ក្នុងសេចក្តីព្រាងច្បាប់ ស្តីពីការគ្រប់គ្រង និងប្រើប្រាស់ដីកសិកម្ម។

ក្រុមអ្នកតវ៉ាទៅដាក់ញត្តិនៅរដ្ឋសភានេះ គឺធ្វើឡើងបន្ទាប់ពីពួកគេបានដាក់ញត្តិទៅក្រសួងកសិកម្ម ដោយមានមន្ត្រីក្រសួងចេញមកទទួលពីតំណាងកសិករដែលមកទាំង២៤ ខេត្ត/រាជធានី ។

ពួកគេលើកឡើងថា សេចក្តីព្រាងច្បាប់ស្តីពីការគ្រប់គ្រង និងប្រើប្រាស់ដីកសិកម្ម នឹងរឹតត្បិតចំពោះពួកគេ។ អ្នកយកព័ត៌មានរបស់VOD អ្នកនាងថុល ស្រីលក្ខណ៍ ដែលបានតាមដានការតវ៉ានេះ ឲ្យដឹងថា រហូតមកដល់ពេលនេះ តំណាងអ្នកតវ៉ាបីនាក់ ត្រូវបានអនុញ្ញាតឲ្យចូលក្នុងរដ្ឋសភា ដើម្បីដាក់ញត្តិ។

ការតវ៉ានេះ ត្រូវបានធ្វើឡើងបន្ទាប់ពួកគេ បានបើកសិក្ខាសាលាពិគ្រោះយោបល់ថា្នក់ជាតិ របស់សមាគមបណ្តាញសហគមន៍កសិករ ស្តីពី កសិករនៅតាមមូលដ្ឋាន ប្រឈមមុខបាត់បង់សិទ្ធប្រើប្រាស់ដីរបស់ខ្លួន កាលពីថ្ងៃទី០៦ ខែមិថុនា ឆ្នាំ២០១៣។

សេចក្តីព្រាងច្បាប់ស្តីពីការគ្រប់គ្រង និងប្រើប្រាស់ដីកសិកម្មនេះ មាន១១ជំពូក និង៦២មាត្រា។ អង្គការសង្គមស៊ីវិល លើកឡើងថា ប្រសិនបើសេចក្តីព្រាងច្បាប់នេះ ត្រូវបានអនុម័ត លទ្ធផលនឹងធ្វើឲ្យប៉ះពាល់ប្រជាកសិករចំនួន ៨០ភាគរយ។ សេចក្ដីព្រាងច្បាប់លើកទី១ នឹងគ្រោងប្រកាសដាក់ឲ្យប្រើប្រាស់ក្នុងឆ្នាំ២០១៤ ដែលបានចែងពីទោសបញ្ញត្តិដល់កម្មសិទ្ធិ ឬអ្នកកាន់កាប់ដីធ្លីសម្រាប់ការល្មើស ឬខកខានក្នុងការអនុវត្តតាមបញ្ញត្តិនៃច្បាប់នេះ នឹងត្រូវប្រឈមជាប់ពន្ធនាគារពី១ខែទៅ១ឆ្នាំ និងពិន័យជាប្រាក់ចាប់ពី១លាន ដល់៥លានរៀល។

កាលពីថ្ងៃទី២៩ ខែសីហា ឆ្នាំ២០១២ នៅក្នុងសន្និសីទសារព័ត៌មានមួយ ក្រុមបណ្ដាញសហគមន៍កសិករ ដែលបណ្ដុំទៅដោយសមាគមចំនួន១៥ ធ្វើការលើវិស័យកសិកម្ម បានប្រតិកម្ម ទៅនឹងសេចក្ដីព្រាងច្បាប់ ស្តីពីការគ្រប់គ្រង និងប្រើប្រាស់ដីកសិកម្ម៕

Wednesday, June 20, 2012

អ្នកស្រុកថ្ពង ខេត្តកំពង់ស្ពឺ គំរាមធ្វើបាតុកម្មប្រឆាំងក្រុមហ៊ុនលោក លី យ៉ុងផាត់

ដោយ ញឹម សុខន និង អ៊ឹង ប៊ុនថន ថ្ងៃព្រហស្បតិ៍ ទី21 មិថុនា ឆ្នាំ2012 ម៉ោង11:56

ប្រជាពលរដ្ឋនៅស្រុកថ្ពង ខេត្តកំពង់ស្ពឺ ព្រមានថា ពួកគេនឹងធ្វើបាតុកម្មប្រឆាំងក្រុមហ៊ុនភ្នំពេញស្ករស របស់លោក លី យ៉ុងផាត់ បើក្រុមហ៊ុននេះ មិនព្រមបើកផ្លូវសាធារណៈឲ្យពលរដ្ឋធ្វើដំណើរដូចធម្មតាវិញ។

លោក លីវ សារ៉ុម រស់នៅភូមិក្រវៀក ឃុំយាយអង្គ ស្រុកថ្ពង ខេត្តកំពង់ស្ពឺ ដែលអះអាងថា ជាតំណាងពលរដ្ឋ បានឲ្យដឹងនៅថ្ងៃព្រហស្បតិ៍ ទី២១ ខែមិថុនានេះថា កាលពីថ្ងៃពុធ ក្រុមហ៊ុនស្ករស របស់លោកឧកញ្ញា លី យ៉ុងផាត់ បានបិទផ្លូវសាធារណៈមួយកន្លែង ដែលមានទទឹងប្រហែល ៨ម៉ែត្រ និងមានបណ្តោយរាប់រយម៉ែត្រ ដែលពលរដ្ឋធ្លាប់ឆ្លងកាត់តាំងពីដូនតាមក។

លោក លីវ សារ៉ុម បន្តថា ផ្លូវដែលក្រុមហ៊ុនបិទនោះ ជាផ្លូវសំខាន់សម្រាប់ពលរដ្ឋរាប់រយគ្រួសារធ្វើដំណើរទៅប្រកបរបរចិញ្ចឹមជីវិតប្រចាំថ្ងៃ។ លោកថា ពួកគាត់កំពុងសុំអន្តរាគមន៍ពីអាជ្ញាធរមូលដ្ឋាន ដើម្បីសុំបើកផ្លូវនេះវិញ តែអាជ្ញាធរបែរជាជំរុញឲ្យពលរដ្ឋចេញតស៊ូមតិដោយខ្លួនឯងទៅវិញ ៖ "

VOD មិនអាចទាក់ទងតំណាងក្រុមហ៊ុនស្ករស របស់លោក លី យ៉ុងផាត់ នៅតំបន់នោះដើម្បីបំភ្លឺបានទេនៅថ្ងៃព្រហស្បតិ៍នេះ។

ប្រធានភូមិក្រវៀក លោក ម៉ម មឿន ទទួលស្គាល់ថា ក្រុមហ៊ុនមួយនេះពិតជាបានបិទផ្លូវសារណៈនេះមែន ប៉ុន្តែលោកថាក្រុមហ៊ុនបានបើកវិញ នៅថ្ងៃដដែលបន្ទាប់ពីមានអន្តរាគមន៍ពីអាជ្ញាធរមូលដ្ឋានតាមទូរស័ព្ទ។

ចំណែកមេឃុំយាយអង្គ លោក កែវ យឿន បញ្ជាក់ថា ក្រុមហ៊ុនពិតជាបានបើកផ្លូវមែន ប៉ុន្តែបានកំណត់ម៉ោងចេញចូល ដែលលោកថានៅតែជាផលលំបាកដល់ពលរដ្ឋ ៖ "

មន្ត្រីសម្របសម្រួលនៅសមាគមអាដហុក ប្រចាំខេត្តកំពង់ស្ពឺ លោក រ័ត្ន ថាវី មានប្រសាសន៍ថា ការបិទផ្លូវសាធារណៈណាមួយមិនមាន ឯកភាពពីមន្ត្រីជំនាញ ឬគ្មានការដោះដូរលោកថា ជារឿងខុសច្បាប់។

បើតាមមន្ត្រីការពារសិទ្ធិមនុស្សដដែល បានឲ្យដឹងថា ក្រុមហ៊ុនស្ករសភ្នំពេញនេះ បានទទួលដីសម្បទានសេដ្ឋកិច្ចពីរដ្ឋាភិបាលទំហំ ១០០០០ហិកតា នៅឆ្នាំ២០១០ ដើម្បីដាំអំពៅ ហើយក្រោយមក កាត់ចេញខ្លះ ដោយសារប៉ះពាល់លើដីស្រែប្រជាពលរដ្ឋនៅតំបន់នោះ។

កាលពីចុងសប្តាហ៍មុនប្រមុខរដ្ឋាភិបាល បានដាក់យុទ្ធសាស្ត្រស្តីពីកំណែទំរង់ដីធ្លី ដោយបញ្ជាឲ្យអាជ្ញាធរមូលដ្ឋានចុះវាស់វែងដីនៅតំបន់មានជម្លោះ ដែលកើតចេញពីការផ្តល់ដីសម្បទាននេះ ជូនប្រជាពលរដ្ឋវិញ នឹងបន្ថែមដី១០ភាគរយទៀត ទុកឲ្យអាស្រ័យផល៕

សាលារាជធានីការពារគម្រោងអភិវឌ្ឍន៍ដោយចោទថាបឹងកក់ជាជម្រកឧក្រិដ្ឋជន និងអសន្តិសុខ

ដោយ កាន់ វិច្ឆិកា និង អ៊ឹង ប៊ុនថន ថ្ងៃព្រហស្បតិ៍ ទី21 មិថុនា ឆ្នាំ2012 ម៉ោង09:55

តំបន់បឹងកក់ (រូបថត ញឹម សុខន)

សាលារាជធានីបានការពារការអភិវឌ្ឍបឹងកក់ ដែលនាំឲ្យមានការបណ្តេញពលរដ្ឋចេញនោះ ដោយហៅតំបន់នោះថា ជាជម្រកឧក្រិដ្ឋកម្ម អសន្តិសុខ ភេរវកម្ម គ្រឿងញៀន ពេស្យាចារ។

នៅក្នុងអត្ថបទដែលចេញផ្សាយលើគេហទំព័ររបស់សាលារាជធានី នៅថ្ងៃទី១៩ ខែមិថុនា ឆ្នាំ២០១២ ស្តីពីដំណើរការអភិវឌ្ឍន៍ទីតាំងបឹងកក់ សាលារាជធានីភ្នំពេញ អះអាងថា បឹងកក់ជាទីតាំងដែលមានការជួលស្នាក់នៅពីសំណាក់ប្រជាពលរដ្ឋគ្រប់ប្រភេទ ធ្វើឲ្យប្រែក្លាយតំបន់នោះទៅជាអសន្តិសុខ ជាជម្រកនៃឧក្រិដ្ឋជន ក្រុមបងតូចបងធំ ហើយធ្វើឲ្យបាត់បង់ប្រពៃណីទំនៀមទំលាប់ ដោយមានគ្រឿងញៀន ពេស្យាចារ ចោរកម្ម និងជាតំបន់មានកេរ្តិ៍ឈ្មោះមិនល្អ ក្នុងអារម្មណ៍របស់ប្រជាពលរដ្ឋរស់នៅទីក្រុង។

ក៏ប៉ុន្តែ ប្រជាពលរដ្ឋតំណាងភូមិ១ លោក ចាន់ ពុទ្ធិស័ក្ត ប្រាប់ VOD ថាការលើកឡើងនោះ ជាការបង្ហាញពីអសមត្ថភាពរបស់សាលារាជធានី ដោយសារតែមិនមានលទ្ធភាពក្នុងការដោះស្រាយជូនប្រជាពលរដ្ឋ៖ " ជាការលើកឡើងអំពីអសមត្ថភាពរបស់គាត់ទេ ដោយថាគាត់មិនមានលទ្ធភាព រកដំណោះស្រាយជូនប្រជាពលរដ្ឋ ព្យាយាមយកប្រជាពលរដ្ឋជាសត្រូវ ចោទប្រជាជនពីនេះ ពីនោះ”។

ស្តាប់សម្លេង៖

យ៉ាងណាក៏ដោយ សាលារាជធានីភ្នំពេញ បន្តចោទថា អង្គការក្រៅរដ្ឋាភិបាល ជនបរទេស និងជនជ្រុលនិយមមួយក្តាប់តូចដែលនិយមគាំទ្រសិទ្ធិមនុស្សថាមានទម្លាប់ចោទប្រកាន់រដ្ឋាភិបាល និងសាលារាជធានី ពីបទរំលោភសិទ្ធិមនុស្ស ដោយមិនបានខិតខំប្រឹងប្រែង ក្នុងការស៊ើបអង្កេតស្វែងរកការពិត។

បទវិចារណកថាដដែលនេះ បន្តថា មានក្រុមមនុស្សមួយក្តាប់តូចនោះ បានដឹកនាំអ្នកបឹងកក់ដែលនៅក្នុងពន្ធនាគារទាំង ១៣នាក់ ឲ្យដើរផ្លូវខុសអស់រយៈពេលជាយូរមកហើយ ដោយពួកគេបានបន្តប្រឆាំងនឹងរដ្ឋាភិបាល និងសាលារាជធានី។

ក៏ប៉ុន្តែ អនុប្រធានផ្នែកស៊ើបអង្កេតនៃសមាគមការពារសិទ្ធិមនុស្សអាដហុក លោក ចាន់ សុវេត មានប្រសាសន៍ថា ចំពោះការចោទប្រកាន់នេះលោកមិនអាចទទួលយកបានទេ ព្រោះថាការរាល់ការឃ្លាំមើលនិងជ្រោមជ្រែងពេលដែលប្រជាពលរដ្ឋចេញមុខតវ៉ា គឺដោយសារតែជាការការពារសិទ្ធិមនុស្ស គាំទ្រឲ្យមានការអនុវត្តផ្លូវច្បាប់ លើកទឹកចិត្តប្រជាពលរដ្ឋឲ្យប្រើប្រាស់សិទ្ធិសេរីភាព និងផ្តល់នូវលទ្ធភាពមួយចំនួន ក្នុងលក្ខខណ្ឌលើកស្ទួយលទ្ធិប្រជាធិបតេយ្យ និងការអភិវឌ្ឍសិទ្ធិមនុស្សក្នុងប្រទស ៖”រងការចាត់ទុកសង្គមស៊ីវិល ថាជាអ្នកញុះញង់ ឬក៏អ្នកនៅពីក្រោយខ្នងប្រជាពលរដ្ឋអ្នកភូមិបឹងកក់ ខ្ញុំមិនទាន់អាចទទួលយកបានទេ ដោយសារកន្លងផុតមក សង្គមស៊ីវិលមិនមែនជាអ្នកញុះញង់ទេ សង្គមស៊ីលផ្តល់នូវលទ្ធភាព ក្នុងលក្ខខណ្ឌលើកស្ទួយលទ្ធិប្រជាធិបតេយ្យ និងការអភិវឌ្ឍសិទ្ធិមនុស្សនៅក្នុងប្រទេស”។

មន្ត្រីផ្នែកស៊ើបអង្កេតរបស់អង្គការការពារសិទ្ធិមនុស្សលីកាដូ លោក អំ សំអាត មានប្រសាសន៍ថា មូលហេតុនោះគ្រាន់តែជាលេសមួយរបស់សាលារាជធានី ដើម្បីផ្តល់តំបន់បឹងកក់ធ្វើការអភិវឌ្ឍប៉ុណ្ណោះ។ លោកបន្តថា ប្រសិនបើប្រជាពលរដ្ឋមានប័ណ្ណគ្រួសារ លិខិតស្នាមត្រឹមត្រូវនោះរដ្ឋត្រូវតែចេញជាសំណងប្រកបដោយតម្លាភាព និងយុត្តិធម៌ជូនពួកគាត់ ៖" ជាលេសមួយរបស់សាលារាជធានីភ្នំពេញ ទោះបីជាប្រជាពលរដ្ឋគាត់ទៅរស់នៅលើដីសាធារណៈ របស់រដ្ឋក៏ដោយ ក៏មានលិខិតស្នាមទទួលស្គាល់ត្រឹមត្រូវ អញ្ចឹងពេលដែលមានការអភិវឌ្ឍ ត្រូវតែមានការដោះស្រាយ ដែលប្រកបដោយតម្លាភាព និងតម្លាភាព សំរាប់ប្រជាពលរដ្ឋ”។

គួរបញ្ជាក់ថា តំបន់បឹងកក់ ត្រូវបានចាក់បំពេញដោយខ្សាច់ចាប់តាំងពីឆ្នាំ២០០៧ ក្រោមរូបភាពអភិវឌ្ឍន៍របស់ក្រុមហ៊ុនស៊ូកាគូអ៊ីន រយៈពេល៩៩ឆ្នាំ ក្នុងទឹកប្រាក់ប្រមាណ ៧០លានដុល្លារ។ ការអភិវឌ្ឍដីជាង១០០ហិកតានេះ បានប៉ះពាល់ប្រជាជនប្រហែល ៤០០០គ្រួសារ ដែលត្រូវបណ្តេញចេញ ជាថ្នូរនឹងសំណងដែលពលរដ្ឋ អះអាងថា មិនសមរម្យតាមតម្លៃទីផ្សារ។ ដោយសារការមិនព្រមទទួលគោលការណ៍នេះ បានធ្វើឲ្យស្រ្តីអ្នកបឹងកក់ចំនួន១៣នាក់ ត្រូវតុលាការចាប់ដាក់ពន្ធនាគារ៕

Tuesday, June 5, 2012

Joint Statement in The 40th Anniversary of World and Natioanl Environment Day on June, 5 2012

Joint Statement

---------------------

Of the Concerns of Youths and the Love-Environment People in

The 40^th Anniversary of Global and National Environment Day on June, 5 2012

We, the students and the people of forest and fishing communities and indigenous community, farmer association and non-formal economic association, who have lived on natural resources and worked dealing with environment in the Kingdom of Cambodia, have great concerns about the loss of natural resource; especially deforestations which affect environment. Despite of issuing a number of standard documents by the Royal Government in protection of environments and forests, we have observed that there are lacks and loopholes in implementation of these standard documents.

In the past few years the issues of changing climate because of deforestations and the loss of forests as well as the loss of natural resources, are significantly facing problems for the people of Cambodia and the worlds encountering the same problems. Anarchic deforestations by the rich and the powerful have become rampant and are operating unsurprisingly. Provisions of economic concession lands, mines concessions and constructions of hydroelectric dams are devastating natural forests and have made the cover of forests significantly decrease. Due to negative impacts of climate change, temperature increase, the change of rain regimes, floods and draughts, the loss of biodiversity both in water and ground, have seriously happened very often and many other problems are sequently occurring. All these issues have affected the conditions of the people such as: livelihood, business doing and the important things are health and safety of the people thanks to natural phenomenon that we don’t have any means to fight and forecast it. Obviously in the past 2011 the Cambodians suffered the floods, which claimed 247 lives and injured 20 and destroyed 232.377 hectares of agricultural crops. The floods hit 18 provinces out of 24 city-provinces in Cambodia. In Kg Thom the flood claimed 41 lives and affected 54, 414 families.

Thus if the Royal Government, concerned ministries and parliamentary institution don’t pay attention and effectively address deforestation issue on time, valuable, natural resources and forests of Cambodia must be destructed and deforestations will aggravate environment. Additionally it also affect the whole national economic developments and the livelihoods of the people; especially the indigenous.

We, the youths, community people and forest activists, would like to request the Royal Government of Cambodia to effectively take legal action in protection of forest and natural resource; and to create the policy sustainably protecting the environment.

Suggestions:

We would like the Royal Government:

· To halt forest crimes, which are happening.

· To control the use of natural resource with transparency and accountability and to properly assess the impacts.

· To urge competent authorities and government institutions to implement the 01 regulation of the Royal Government on the effective halt of the provisions of economic concession lands.

· To punish any government official who conspires with log traders in deforestations.

· To support and recognize the community’s activities and the association of the students who have made efforts to protect natural resource and environment.

More information:

· Mr. Tim Malay, chairman of the Cambodian Youth Network. Phone number

017 990 689.

· Mr. Vorn Pao, chairman of (IDEA). Phone number: 012 534 796.

· Mr. Seng Sok Heng, representative of (CPN). Phone Number: 092 324 668.

សេចក្តីថ្លែងការទិវាបរិស្ថានជាតិ និងពិភពលោក ៥ មិថុនា ២០១២

ញាត្តិ

យើងខ្ញុំទាំងអស់គ្នាជាយុវជន សមាគម និងប្រជាសហគមន៍នានាក្នុងព្រះរាជាណាចក្រកម្ពុជា ដែលធ្វើការងារលើវិស័យព្រៃឈើ បរិស្ថាន ទំនប់វារីអគ្គីសនី និងធនធាធម្មជាតិ។

សូមគោរពចូលមក

សម្តេចអគ្គមហាពញាចក្រី ហេងសំរិន ប្រធានរដ្ឋសភានៃព្រះរាជាណាចក្រកម្ពុជា

សូមមេត្តាជ្រាប ។

កម្មវត្ថុៈ សុំអន្តរាគមន៍ដើម្បីបញ្ឈប់ការកាប់បំផ្លាញព្រៃឈើ និងស្នើឱ្យរាជរដ្ឋាភិបាលអនុវត្តតាម បទបញ្ជាលេខ០១របស់នាយករដ្ឋមន្រ្តី និងច្បាប់ពាក់ព័ន្ធរបស់ព្រះរាជាណាចក្រកម្ពុជា

យោងៈ - ច្បាប់ស្តីពី ការបង្កើតក្រសួងបរិស្ថាន ចុះថ្ងៃទី ២៤ ខែមករា ឆ្នាំ១៩៩៦

-ច្បាប់ភូមិបាលឆ្នាំ២០០១

- ច្បាប់ ស្តីការបង្កើតក្រសួងកសិកម្មរុក្ខាប្រមាញ់ និងនេសាទ ចុះថ្ងៃទី ២៤ ខែមករា ឆ្នាំ១៩៩៦

- ច្បាប់ស្តីពី កិច្ចការពារបរិស្ថាន និងការគ្រប់គ្រងធនធានធម្មជាតិ ចុះថ្ងៃទី ២៤ ខែធ្នូ ឆ្នាំ១៩៩៦

- ច្បាប់ស្តីពី ព្រៃឈើឆ្នាំ២០០២

- បទបញ្ជារលេខ ០១ ស្តីពីការបញ្ឈប់ការផ្តល់ដីសម្បទានសេដ្ឋកិច្ច ចុះថ្ងៃទី០៧ ខែឧសភា ឆ្នាំ២០១២

តបតាមកម្មវត្ថុ និងយោងខាងលើ យើងខ្ញុំសូមអនុញ្ញាតជម្រាបជូនសម្តេចមេត្តាជ្រាបថា រយះពេលប៉ុន្មានឆ្នាំចុងក្រោយនេះ ប្រទេសកម្ពុជាយើងបានរងនូវផលប៉ះពាល់យ៉ាងខ្លាំងផ្នែកបរិស្ថាន ដូចជា ការប្រែប្រួលអាកាសធាតុ ការកើនឡើងនូវរលកកំដៅ ទឹកជំនន់ ខ្យល់ព្យុះ និងការបាត់បង់នូវ ធនធានជីវៈចំរុះទាំងលើដី និងក្នុងទឹកដែលបណ្តាលមកពីការបាត់បង់ព្រៃឈើ និងការរេចរិលព្រៃឈើ ព្រមទាំងការបាត់បង់ធនធានធម្មជាតិ គឺជាបញ្ហាប្រឈមមួយយ៉ាងសំខាន់ចំពោះប្រជាពលរដ្ឋខ្មែរ។ការកាប់បំផ្លាញព្រៃឈើយ៉ាងអណាធិបតេយ្យពីសំណាក់អ្នកមានលុយ មានអំណាចមួយចំនួនកំពុងតែធ្វើចរាចរជារៀងរាល់ថ្ងៃគ្មានការទប់ស្កាត់ ការផ្តល់ដីសម្បទានសេដ្ឋកិច្ច សម្បទានរ៉ែ ការសាងសង់ទំនប់វារីអគ្គិសនីក៏កំពុងតែធ្វើឲ្យអន្តរាយដល់ព្រៃឈើធម្មជាតិយ៉ាងខ្លាំង និងបានធ្វើឲ្យគំរបព្រៃឈើត្រូវថយចុះយ៉ាងខ្លាំង។ ដោយសារឥទ្ធិពលអវិជ្ជមានពីការប្រែប្រួលអាកាសធាតុ ដូចជា៖ កំណើនសីតុណ្ហភាពកើនឡើង ការផ្លាស់ប្តូររបបទឹកភ្លៀង ទឹកជំនន់ និងភាពរាំងស្ងួត ការបាត់បង់នូវប្រព័ន្ធជីវៈចំរុះទាំងក្នុងទឹក និងលើដី កើតមានកាន់តែញឹកញាប់និងកាន់តែធ្ងន់ធ្ងរ។ ហើយនិងបញ្ហាជាច្រើនទៀតកំពុងកើតឡើងជាបន្តបន្ទាប់។ ហើយបញ្ហាទាំងអស់នេះវាបានធ្វើឱ្យប៉ះពាល់ដល់ស្ថានភាពរស់នៅរបស់ប្រជាពលរដ្ឋដូចជា៖ ជីវភាព ការប្រកបរបរ ចិញ្ចឹម ជីវិត ហើយបញ្ហាដែលសំខាន់នោះគឺ បញ្ហាសុខភាព និងសុវត្ថិភាពរបស់ប្រជាពលរដ្ឋដែលបណ្តាល មកពីការបាតុភូតធម្មជាតិ ដែលយើងមិនអាចទប់ស្កាត់បាន និងមិនអាចព្យាករណ៍បាន។ ករណីជាក់ស្តែងដូចជា កាលពីឆ្នាំ២០១១ កន្លងទៅ ប្រជាជនកម្ពុជាបានទទួលរងគ្រោះពីគ្រោះទឹកជំនន់ដែលសំលាប់ប្រជាពលរដ្ឋចំនួន ២៤៧នាក់ និងរងរបួសចំនួន ២០នាក់ បានបំផ្លាញដំណាំកសិកម្មអស់ចំនួន ២៣២,៣៧៧ ហិកតា។ ទឹកជំនន់នេះបានប៉ះពាល់ដល់ខេត្តចំនួន១៨ ក្នុងចំនោម ២៤ខេត្ត ក្រុង។ ខេត្តកំពង់ធំបានរងផលប៉ះពាល់ចំនួន ៥៤,៤១៤ គ្រួសារ សំលាប់មនុស្សអស់ ៤១នាក់។

ដូច្នេះប្រសិនបើរាជរដ្ឋាភិបាល ក្រសួងពាក់ព័ន្ធ និងស្ថាប័នតំណាងរាស្ត្រមិនយកចិត្តទុកដាក់ និងធ្វើការដោះស្រាយ បញ្ហាការកាប់បំផ្លាញព្រៃឈើនេះឱ្យទាន់ពេលវេលាប្រកបដោយប្រសិទ្ធិភាពទេ ព្រៃឈើ និងធនធានធម្មជាតិដ៏មានតម្លៃ របស់កម្ពុជាពិតជានឹងត្រូវវិនាស ហើយនឹងមានផលប៉ះពាល់បរិស្ថានកាន់តែធ្ងន់ធ្ងរទៅៗ ជាងនេះទៀតនោះវាក៏ធ្វើឱ្យមានការប៉ះពាល់យ៉ាងខ្លាំងដល់ជីវភាពរស់នៅរបស់ប្រជាពលរដ្ឋ ជាពិសេសជនជាតិដើមភាគតិច និងការអភិវឌ្ឍន៍សេដ្ឋកិច្ចជាតិរបស់ប្រទេសទាំងមូល។

យើងខ្ញុំទាំងអស់គ្នាជាយុវជន ប្រជាពលរដ្ឋសហគមន៍ សកម្មជនការពារព្រៃឈើសូមទាមទារ ឱ្យរាជរដ្ឋាភិបាលកម្ពុជាចាត់វិធានការតាមផ្លូវច្បាប់ ឱ្យមានប្រសិទ្ធិភាពក្នុងការការពារព្រៃឈើ និងធនធានធម្មជាតិ និងបង្កើតគោលនយោបាយដើម្បីការពារបរិស្ថានឱ្យមាននិរន្តរភាព។

សំណូមពរ

- សូមឱ្យរាជរដ្ឋាភិបាលបញ្ឈប់រាល់បទល្មើសព្រៃឈើដែលកំពុងកើតមាន

- គ្រប់គ្រង់ការប្រើប្រាស់ធនធានធម្មជាតិឲ្យមានតម្លាភាព និងគណនេយ្យភាពឱ្យមាន

ការវាយតម្លៃផលប៉ះពាលត្រឹមត្រូវ

- ជុំរុញឲ្យអាជ្ញាធរ សមត្ថកិច្ច និងស្ថាប័នរដ្ឋាភិបាលអនុវត្តតាមលេខបទបញ្ជាលេខ០១ របស់រាជរដ្ឋាភិបាល ស្តីពី ការបញ្ឈប់ការផ្តល់ដីសម្បទាន សេដ្ឋកិច្ចឱ្យមានប្រសិទ្ធិភាព។

- រដ្ឋាភិបាលត្រូវតែដាក់ទោសទណ្ឌចំពោះមន្ត្រីរទាំងឡាយណាដែលឃុបឃិតជាមួយឈ្មួញ ក្នុងការកាប់បំផ្លាញព្រៃឈើខុសច្បាប់។

- គាំទ្រ និងទទួលស្គាល់សកម្មភាពសហគមន៍ សមាគម សិស្ស និស្សិតដែលខិតខំព្រឹងប្រែងការពារធនធានធម្មជាតិ

- បញ្ឈប់ការគំរាមកំហែងគ្រប់រូបភាពមកលើអ្នកការពារព្រៃឈើ ការពារធនធានធម្មជាតិ និងបរិស្ថាន

អាស្រ័យហេតុនេះសូមសម្តេចមេត្តាពិនិត្យ និងចាត់វិធានការចំពោះស្ថាប័នពាក់ព័ន្ធឱ្យអនុវត្ត តាមច្បាប់ និងបទបញ្ជារបស់រាជរដ្ឋាភិបាលឱ្យមានប្រសិទ្ធភាពដើម្បីថែរក្សាព្រៃឈើ និងធនធានធម្ម ជាតិ នៅប្រទេសកម្ពុជាឱ្យបានគង់វង្ស ដើម្បីនិរន្តរភាពនៃបរិស្ថាន។

សូមសម្តេចមេត្តាទទួលនូវការគោរពដ៏ខ្ពង់ខ្ពស់អំពីយើងខ្ញុំ។

រាជធានីភ្នំពេញ,ថ្ងៃទី០៥ ខែមិថុនា ឆ្នាំ២០១២

ហត្ថលេខាតំណាង

Pages