ថានទូតសហរដ្ឋអាមេរិកបានចេញ
ថ្លែងការណ៍រំលែងទុក្ខជាមួយក្រុមគ្រួសាររបស់កុមារីហេង
ចាន់ថាដែលត្រូវបានសម្លាប់នៅក្នុងការព្រឹត្តិការណ៍បង្ក្រាបរបស់កំ
លាំងរដ្ឋាភិបាលទៅលើមនុស្សមួយក្រុមដែលរដ្ឋាភិបាលចាត់ទុកថាបាន
ព្យាយាមកាន់កាប់ដីដោយខុសច្បាប់។
ក្រៅពីការថ្លែងសាររំលែកទុក្ខជាមួយក្រុមគ្រួសារ
និងមិត្តភក្ត្ររបស់កុមារីហេង ចាន់ថា
ស្ថានទូតសហរដ្ឋអាមេរិកបានអំពាវនាវនៅក្នុងសេចក្តីថ្លែងការណ៍របស់ខ្លួន
អោយអាជ្ញាធរកម្ពុជាស៊ើបអង្កេតអោយគ្រប់ជ្រុងជ្រោយ
និងប្រកបដោយតម្លាភាព ករណីស្លាប់កុមារីរូបនេះ។
នៅក្នុងសេចក្តីថ្លែងការណ៍ដែលត្រូវបានចេញផ្សាយជាសាធារណៈនៅរសៀលថ្ងៃ
ព្រហស្បតិ៍នេះ
សហរដ្ឋអាមេរិកបានសរសេរយ៉ាងដូច្នេះថា៖«សហរដ្ឋអាមេរិកតែងតែសំដែង
កង្វល់ចំពោះជម្លោះដីធ្លីដែលមានចំនួនកាន់តែច្រើននៅកម្ពុជា
និងលទ្ធភាពដែលវាត្រូវក្លាយទៅជាការប្រឈមមុខដាក់គ្នាដោយហិង្សា។
យើងអំពាវនាវដល់អ្នកតវ៉ា និងកំលាំងសន្តិសុខចៀសវាងការប្រើហឹង្សា
ហើយអត់ធ្មត់ជាអតិបរិមា»។
យោងតាមសេចក្តីថ្លែងការណ៍នេះដដែល
បើទោះជាសហរដ្ឋអាមេរិកបានអបអរសេចក្តីសម្រេចថ្មីចុងក្រោយរបស់
រដ្ឋាភិបាល ក្នុងការផ្អាកផ្តល់ដីសម្បទានក៏ដោយ
ប៉ុន្តែការប្រឈមដាក់គ្នាកាលពីថ្ងៃពុធនៅក្នុងស្រុកឆ្លូង
ខេត្តក្រចេះនោះ សហរដ្ឋអាមេរិកយល់ឃើញថា
វាមានសារៈសំខាន់ជាបន្ទាន់មួយនៃសិទ្ធិលើទ្រព្យសម្បត្តិ
សេចក្តីត្រូវការអោយមានប្រព័ន្ធនៃការដោះស្រាយដែលឯករាជ្យ
ប្រកបដោយតម្លាភាពស្របតាមនីតិរដ្ឋ៕
No comments:
Post a Comment