តំណាងអ្នកភូមិបឹង៦កក់៦នាក់គឺ អ្នកស្រី ទេព វន្នី, ហេង មុំ, ង៉ែត ឃុន, ឆេង លាភ និងតុល ស្រីពៅ ដែលបានឡើងទៅដល់តុលាការរាជធានីភ្នំពេញនៅព្រឹកនេះដើម្បីឆ្លើយបំភ្លឺតុលាការចំពោះពាក្យបណ្តឹងខាងរបស់អ្នកស្រីលី មុំ នោះបានវិលត្រឡប់ទៅផ្ទះវិញហើយបន្ទាប់ពីតុលាការបានលើកពេលការសាកសួរ។ រីឯអ្នកភូមិបឹងកក់ និងបូរីកីឡា ប្រហែល១០០នាក់ដែលបាននាំគ្នាឡើងទៅតវ៉ានៅពីមុខតុលាការនោះក៏បានបំបែកគ្នាទៅវិញអស់ហើយដែរ។
សូមបញ្ជាក់ថា ស្ត្រីទាំង៦រូបបានមានទំនាស់ជាមួយអ្នកភូមិបឹងកក់មួយក្រុមទៀតដែលមានតំណាងឈ្មោះ លី មុំ បានឈ្លោះទាស់ទែងគ្នាអំពីបញ្ហាដីបឹងកក់រហូតដល់មានការបាចខិតបណ្ណ័ជេរប្រមាថនិងគំរាមជីវិតអ្នកស្រីលី មុំ ដែលគេសង្ស័យថា ជាទង្វើរបស់ក្រុមអ្នកភូមិបឹងកក់តំណាងដោយអ្នកស្រីទេព វន្នី។ នេះជាហេតុផលដែលអ្នកស្រីលី មុំ ដាក់ពាក្យបណ្តឹង។ អ្នកទាំង៦នាក់ត្រូវបានគេប្តឹងទាមទារជំងឺចិត្តម្នាក់១ម៉ឺនដុល្លារ៕
No comments:
Post a Comment