ដោយ នួន បូរិន ថ្ងៃសុក្រ ទី04 ឧសភា ឆ្នាំ2012 ម៉ោង09:34
សហគមន៍បឹងកក់ជាង១០០នាក់ បានចាប់ផ្ដើមតស៊ូជាថ្មីម្ដងទៀត ហើយនៅថ្ងៃសុក្រនេះនៅខាងមុខតុលាការដំបូងក្រុងភ្នំពេញ ដោយទាមទាររកយុត្តិធម៌ អោយតំណាងរបស់ខ្លួន ដែលរងការចោទថាបានបរិហារកេរ្តិ៍មន្ត្រីសាធារណៈ ។
បើតាមប្រភពព័ត៌មាន ពីអ្នករាយការណ៍ របស់សំឡេងប្រជាធិបតេយ្យ កញ្ញា ថុល ស្រីលក្ខណ៍ បានអោយដឹងថា ប្រជាសហគមន៍បឹងកក់ទាំងនោះ បាននិយាយដូចគ្នាថា បើតុលាការ មិនព្រមបោះបង់ចោលការចោទប្រកាន់មកលើតំណាងរបស់ពួកគេចំនួន៥នាក់ដែលអាជ្ញាធរ ប្ដឹងថាបានបរិហារកេរ្តិ៍ទេនោះ ពួកគាត់នឹងនៅក្រាញននៀល នៅខាងមុខតុលាការជារហូត បើទោះជាតុលាការបាន លើកការសាកសួរនៅថ្ងៃក៏ដោយនោះ។
កញ្ញា ថុល ស្រីលក្ខណ៍ ដែលទៅចុះយកព័ត៌មានដល់ទីនោះ អោយដឹងថាទៀតថាឥឡូវនេះ ពួកគាត់ចាប់ផ្ដើមរៀបចំជាយុទ្ធសាស្រ្ត ដ៏គន្លឹះមួយយករូបទីងមោង ដាក់ច្រវ៉ាក់ អ្នកខ្លះអុជធូប ទៀន និងខ្លះទៀត ស្រែកដាក់មេក្រូ ទាមទារ យុត្តិធម៌ ខណៈកងកំលាំង នគរបាល ជាច្រើននាក់ កំពុងប្រុងប្រៀប ដើម្បីចូលបង្ក្រាប ប្រសិនបើមានបទបញ្ជាពីថ្នាក់លើ ៕
No comments:
Post a Comment